Saturday, December 10, 2011

TABLEEGHI JAMAAT ME SHIRK KI DAWAT:

Bismillahirrahmanirraheem




TABLEEGHI JAMAAT ME SHIRK KI DAWAT:



Tableeghi nisaab me likha hai ki:-" aaj 6 dhul hijjah jumah ki subah ko is risaalah ko khatm karta hun, allah jalsaanah apne latf wa karam se apne paak rasool(sws) ke tufail se jo ghaltiya isme hui hon inko maaf farma de"

(fazail e durood pg 125)


" duniya bhar ke auliya, abdaal wa aqtaab ka ek tabqa har saal hajj me shirqat karta hai, in ke fuyooz wa barkaat, anwaar wa kamalaat se istafadah ka bahtareen mauqa hai"

(fazail e hajj pg 49)


TASHRIH: Uper likhi ibaarton me shirk ki badbu koi posheeda baad nahi hai, kisi musalman ke liye yah kaise jayez ho sakta hai ke kahe " aiy allah mujhe apne fazl se aur apne rasool ke fazl se bakhs de"

iski misaal aisi hi hai ke koi kahe ke " aiy allah apne fazl aur apne rasool ke fazl se mujhe shifa ataa kar",

haalanke rasool akram(sws) ne ek hi saath allah aur iske rasool(sws) ko jama karne se Mana farmaya hai, jaisa ke ek shakhs ne khutba me kaha ke :-" jaisa allah aur allah ke rasool chaahen" to aap (sws) ne khateeb ko daante huwe mana farmaya

(muslim)


hz huzaifa ra ki hadith me hai ki aap (sws) ne "mashaallah wa sha falan" yani allah ne chaha aur falan ne chaaha, kahne se mana farmaya hai"

(abu dawood)


allah taala ka irshad hai: " fazal wa karam allah ke haath me hai jise chaahta hai ata karta hai"

(al imraan)


kya rasool akram(sws) se , aapke sahaba se ya aimma e deen mese kisi se bhi yah baat jayez hui hai ke allah aur rasoollullah(sws) se maghfirat talab ki jaaye?


Raha mausam hajj me auliya, abdaal wa aqtaab ka shareek hona aur inse fuyuz wa barkaat aur anwaar wa kamalaat talab karna to yah shirk ki asal jadh hai,

hajj jo ke allah taala ke shariat ki taazeem aur iske zikr ko buland karne ke liye mashru huwa hai, isme allah taala se maangne ke liye kya baqi rah jaata hai ?



Ek aur ibaarat ka jayeza lete hain


" aiy allah ke rasool main aapse shafaat chahta hun, aur aapke waseele se allah se maangta hun ke meri maut aapke deen aur aapki sunnat par ho"

(fazail e hajj page 126)


TASHRIH: is mazkoorah me duwa e qalimaat me bahut hi azeem maqsad aur mahboob cheez ka sawaal gair allah se kiya gaya hai, kyonki shafaat haasil hone aur tawheed par wafaat paane ke liye "ya" ke zariye rasoollullah(sws) ko pukaara gaya hai,

ye allah ke saath shirk hai, jise shirk dua kaha jaata hai

chunanche allah taala ka irshaad hai

"tumhare maalik ne farmaya ke mujhse duwa karo mai tumhari duwa qubool karunga, beshak jo log meri ibadat se takabbar karte hain wah zaroor zaleel hokar jahannum me daakhil honge"

( surah aaraaf)


isse malum huwa ke gair allah se chaahe rasoollullah(sws) hi kyun na ho shafaat talab karni najayez hai


dusri jagah irshad hai:-" kul illahis shafa-ata-hu jami-aa"



Trans: "aiy nabi kah do saari shifarish allah ke akhtiyaar me hai"

(surah zumar)

"allah ke huqm ke begair koun iski shifarish kar sakta hai?"

(surah baqarah)

aur sunen


" nazreen risaalah se yah darkhawast karta hai ki agar is mubarak waqt me yah shahkaar kisi ko yaad aa jaaye to ' assalamu alaika ya rasoollullah man zakriya bin yahya al kandahalwi yas-tash-fa.....' arz kar de, ahsaan hoga, aur ye alfaaz yaad na rahe to urdu hi me is nakaara ka salaam arz kare, aur akhtar naasir ata ur rahmaan khan sherwani bhi salaam ki darkhwast karta hai"

(fazail hajj pg 116)


TASHRIH- haq ke talabgaaron aur tawheed ke shahdaaiyon ke liye yah bahut bada lamha fikriya ye hai ke TABLEEGI JAMAAT ke sarganaah aur iske aala zimmedaar is qadar laaparwaah hain ke ek tarah qalma tawheed ke TABLEEGH ka dhindora peet rahe hain aur dusri taraf gair allah yani rasoollullah(sws) se shifaat talab karke apni hi haanthon Se tawheed ke be adbi kar rahe hain, bahut hi ibrat ka maqaam hai


aur dekhen


" tum dono(hz abu bakr wa umar ra) par salaam, aiy hazoor ke pahluon me ladne waale tum par salaam, aiy(ya) huzoor ke dono saathiyon tum par salaam, huzoor ke dono wazeeron tumhen haq taala hamari taraf se bahtareen badla tumhaare ahsaanaat ka ata farmaaye, ham tumhaare paas isliye hazir huwe hain kah tum se huzoor ki baargaah me is baat ki shifaarish chahte hain ke huzoor hamare liye allah paak ki baargaah me shafaat farmaaye aur allah se yah duwa farmaayen ki wah hamen huzoor ke deen par aur huzur ki sunnat par zindah rakhe aur hamara aur tamaam musalmaano ka hashar huzoor ki jamaat me ho"

(fazail e hajj page 2/117)


TASHRIH- gairullah ko shifarish ke liye pukaarne aur waseela banaane ki yah intehaai holnaak surat hai, kyonki sahaba ki quboor ko shafaat aur duwa ka waseela banaya gaya hai, phir duwa ka rukh pahle number Me hz abu bakr wa umar ra ki jaanib hai, aur dusre no par rasoollullah(sws) ko rakha gaya hai, raha allah taala to wah sabse aakhiri darjah me hai, yah wah shirk hai jo quraish ke mushrikon ko bhi nahi soojha....

Kyonki allah taala se shifaarish karne ke liye wah apne maboodon ko bila waastah pukaarte they, yah tableeghi log is shikiyah dua ke sabab in tamaam logon se ziyadah kufr wa zalaalat me aage badh gaye hain aur allah taala ki laanat ke mustahik ban gaye hain, jinke baare me allah ka irshad hai

" allah ke elawa jo in maboodon ki parastist karte hain, jo inke nafa wa nuksaan nahi pahuncha sakte hai, aur kahte hain yahi allah ke yahan hamari shifarishi hain"

(surah younus)


arab ke awwaleen mushrikeen ne allah ke yahan shifarish ke liye ek waastah thahraaya lekin tablighi jamaat ne do do waaste lagaaye aur allah taala ko teesre darjah me rakha,

allah taala hamko mahfooz tar rakhe...




Ek hikaayat ka aur jayeza lete hain


" yousuf bin ali kahte hain ke ek haashmi aurat madeena taiyyaba me rahti thi aur baaz khuddaam isko sataaya karte they ,aur huzoor akram(sws) ki khidmat aqdas me faryaad lekar haazir hoi, to roza shareef se yah aawaaz aayi -" yani kya tere liye meri itteba me raghbat nahi jis tarah maine sabr kiya tu bhi sabr kar", wah aurat kahti hai ke is awaaz ke baad jis qadr kaifiyat mujhe thi wah sab jaati rahi aur wah teeno khaadim jo mujhe sataaya karte they marr gaye"

(fazail e hajj page 131)


TASHRIH: is waqeye me shirk bilkul waajeh hai, rasoollullah(sws) ki qabr se aisi musibat door karne ke liye faryaad aur madad talab ki gayi hai, jispar allah ke elaawa koi qaadir nahi.....


ALLAH HAMEN SHIRK SE MAHFOOZ RAKHE.......AMEEN