Bismillahirrahmanirraheem
TABLEEGHI JAMAAT ME SUFI'AH KE AFSAANE
" usne kaha main apne maa ke saath hajj ko gaya tha, meri maa wahin rah gayi(yani mar gayi) uska muh kaala ho gaya aur pet fhat gaya, jisse mujhe yah andaaza huwa ki koi bahut bada shakht gunaah howa hai isse, maine allah taala ki taraf dua ke liye haath uthaaya to maine dekha ke hejaz se ek abar aaya usse ek aadmi zaahir huwa, usne apna mubarak haath meri maa ke muh par phera jisse wah bilkul roshan ho gaya, aur pet par haath phera to waram jaata raha, maine unse arz kiya ke aap kaun hain? Ke mere aur meri maa ki musibat ko aapne door kiya, unhone farmaya main tera nabi muhammad(sws) hun, maine arz kiya mujhe koi wasiyat kijiye to huzoor ne farmaya jab koi qadam rakha kar ya uthaaya kare to " allahumma salle ala muhammad wa ala aali muhammad" padha kar"
(fazail e durud pg 108)
TASHRIH- mazkoorah hakayaat na sirf ghareeb wa hairat Angej hai balke bad-aqeedgi wa zalaalat ka pulinda hai, hadith se jo baat saabit hai wah ye hai ki " khwaab me rasool(sws) ko dekhna sacha wa haq hai aur ya deedaar aap ki maa'roof shakl wa soorat me hoga, lekin mazkoora kahani me ek pahunche hue shakhs ko rasoollullah(sws) ka deedaar alam be daari me aur ek majhool shakhs ke roop me huwa hai, dusre yah ke mazkoorah hakayaat bata rahi hai ke rasoollullah(sws) mushkil kusha aur musibat zada ke faryaat ras hai, yah SHIRK hai,
HZ IBNE ZUBAIR RA KA KHOON PEENA:
" hazoor aqdas(sws) ne Ek martabah seengiyan lagwaayi aur jo khoon nikla wah hz ibne zubair ra ko diya ke isko kahin daba den, wah gaye aur aakar arz kiya ke daba diya, huzoor ne daryaft farmaya kahan? Arz kiya maine pee liya, huzoor(sws) ne farmaya ke jiske badan me mera khoon jaayega usko jahannum ki aag nahi chu sakti, magar tere liye bhi logon se halakat hai, aur logon ko tujh se"
FAAYEDA:-" Huzoor ke fazlaat, pakhaana, pisaab wagerah wagerah sab paak hai isme koi iskaal nahi"
(hakayaat sahaba pg 167)
TASHRIH:- shaeikh saaleh fawzaan ' hayaat kabaar al ulamaa, saudia' ki khidmat me yah sawaal pesh kiya gaya ke allah taala tak pahunchne ke liye baaz makhlooq ki zaat ko waseela banaane ka kya huqm hai
shaeikh mausoof ne jawab me farmaya ke kisi makhlook ki zaat ya uski haq ya martaba ko waseela banana ya uske waaste se dua karna bidat hai, aur shirk ka zariya hai, kyonki dua ibadat ki bahut badi qism hai, isme wahi cheez jayez hogi jo kitab wa sunnat me hai, kitab wa sunnat me kisi makhlook ki zaat ya uske haq wa martaba ki duhaayi de kar sawaal karne ka koi saboot nahi hai, jo kuch saabit hai wah sirf yah hai ke barah raast kisi makhlooq ke waaste begair allah se dua karne chaahiye chunanche allah taala ka irshaad hai
" tumhare rabb ne farmaya ke mujhse dua karo main qubool karunga"
(surah ghaffir)
dusri ayat me irshad hai:-" khaalis allah hi ki bandagi karke isi ko pukaaro"
(surah gaffir)
jab makhlook ko waseela banane me mazeed koi qurbani de ya chadhaawa chadhaaye jaise murga wagerah zibah kare ya nazar maane to yah shirk e akbar hai,
jaisa allah taala ka irshaad hai:-" wah log allah ke elawa in cheezon ki parastist karte hain jo in ko nafa wa nuksaan nahi pahuncha sakti hai aur kahte hain yah allah ke yahan hamare shifarashi hai"
(surah younus)
rasoollullah(sws) ne farmaya:-" mujhe is qadar na badhaao jis qadar nasraani ne ibne maryan ko badha kar (allah ka beta) bana diya , main sirf ek banda hun, isliye mujhko allah ka banda aur uska rasool kaho"
(bukhari,muslim)
isme koi shak nahi hai ke ambiya wa saaliheen ke baare me ghulu pasandaanah aqeedat ke in ko inke martabah se upar pahuncha kar buzurgon ko nabiyon aur nabiyon ko allah ka martaba de diya jaaye,
Ye shirk ka aham zariyah hai, isliye aise kisse ya riwaayaat bayaan karna bilkul jayez nahi hai, jin me yah ishaara ho ke nabi(sws) pareshaan haal logon ki faryaad rasi karte aur mohtaazo ki madad karne ke liye haajir hote hain,
kitaab "TABLEEGI NISAAB" ghair ullah ke saath talluk rakhne ki hausla afzaai karti hai, aur shirk me mulawwis hone par ubhaarti hai, ALLAH KI PANAAH
ALLAH HAMEN IS TARAH KE NISAABON AUR SHIRK SE DOOR RAKHE..... AMEEN
