Wednesday, November 2, 2011

AHLE HADITH KOI FIRQA NAHI:

Bismillahirrahmanirraheem



AHLE HADITH KOI FIRQA NAHI:



Sun lo ! Ham is baat ka qat'tan muddai nahi ke ham deegar firqon ke muqaable me ek naya firqa hain, aur ham logon ko yah bilkul nahi kahte kah hazrat imam abu hanifa rh, imam malik rh, imam shafai rh aur imam ahmad bin hambal rh ki taqleed chhod do aur sayyed dawood ghaznawi rh ki taqleed karo yah muhaddis ropdi rh ke daaman se wabasta ho jaao, ya sheikh ul islam amritsari rh ko apna rahnuma maan lo ,

aaj aasmaan ke neeche aur farsh ke upar sirf barr e sagheer me hi nahi balkah poori kaaynaat me aisa shakhs nahi hai jo gujraanwala ke hazrat muhammad muhaddis gondalwi rh ka muqaabla kar sake,

ham ye nahi kahte kah apne aimma kiram ko chhod do aur inse rishta jodo aur naa hi hamari tahreek ka maqsad ye hai,

hamara naktah nazar ye hai kah hamare buzurg aur akaabir hain. Asalaf ummat hamare asalaf hain,

lekin yaad rakho unhe buzurg maano Rasoollullah qaraar na do, inka ehtaraam karo, inki izzat karo, inse apne aap ko aqeedatan wabastah karo, lekin jab madeene waale ki baat aa jaye to yah na dekho kah muqable me kaun hai, balke sirf yah dekho kah kahne waala wah hai jis ke mutallik to rabb ne kaha hai

" wama yantiqu anil hawa in huwa illa wahyun yuha "

(najam)

trans: yani rasool apni marzi se kuch nahi bolta


Allama ehsan ilahi zaheer (rh)