Saturday, January 15, 2011

NAMAZ KE WAQT KA BAYAN

AS SALAM O ALLAIKUM WR WB



ALLAH KA FARMAAN HAI:" NAMAZON KI HIFAZAT KARO KHAAS TAUR PAR DARMIYANI NAMAZ KI AUR ALLAH TAALA KE LIYE BAA ADAB KHADE RAHA KARO " (SURAH BAQARAH 238)


ALLAH KA FARMAN HAI:" YAQINAN NAMAZ MOMINON PAR MUQARRAR WAQTO PAR FARZ HAI" (SURAH NISA 103)


HZ ABU ZAR(RA) SE MARWI HAI KI RASOOLLULLAH(SAW) NE UNSE FARMAYA :"US WAQT TUMHARA KYA HAAL HOGA JAB TUM PAR AISE UMRA AUR HAKKAAM HONGE JO NAMAZ KO FOUT KAR DENGE YA NAMAZ KO USKE WAQT SE TAAKHEER KARKE ADA KARENGE ?" HZ ABU ZAR(RA) KAHTE HAIN KI " MAINE KAHA AAP HAME KYA HUKM DETEN HAIN TO RASOOLLULLAH NE HAM SE FARMAYA:"NAMAZ KO USKE WAQT PAR ADA KARNA (MUSNAD AHMAD)


AUR HZ FARWA(RA) SE RIWAYAT HAI KI NABI KAREEM SALLALLAHO ALLAIHI WASALLAM SE POOCHA GAYA KI KAUN SA AMAL AFZAL HAI? TO AAP NE FARMAYA:" AWWAL WAQT ME NAMAAZ ATA KARNA"
(TIRMIZI)



1-ZUHAR KI NAMAAZ KA WAQT:


HZ BIN AMR(RA) SE RIWAYAT HAI KI NABI KAREEM SALLALLAHO ALAIHI WASALLAM NE FARMAYA:" NAMAZ-E-ZUHAR KA AWWAL WAQT SURAJ KE DHALNE KE BAAD SE SHURU HOTA HAI AUR NAMAZ-E-ASR KA WAQT SHURU HONE TAK RAHTA HAI"(MUSLIM)

YE BAAT MALUM RAHE KI NAMAZ-E-ASR KA WAQT TAB SHURU HOTA HAI JAB HAR CHEEZ KA SAAYA(ASLI SAAYA KE ELAWA) USKE BARABAR HO JAAYE JAISA KE AHADITH SE SAABIT HAI


NOTE: GARMI KI MAUSAM ME ZUHAR ZARA TAKHEER SE ADA KARNA ACCHA HAI JAISA KI HZ ABU HURAIRAH(RA) SE MARWI HAI KI RASOOLLULLAH (SAW) NE FARMAYA:" JAB GARMI SHAKHT HO JAAYE TO NAMAAZ KO THANDA KARO, ISLIYE KI GARMI KI SHAKHTI JAHANNUM KI SAANS(BREATH) KI LAPET SE PAIDA HOTI HAI"(BUKHARI)


ISLIYE NAMAZ-E-ZUHAR ME KITNI TAKHEER KI JAA SAKTI HAI USKA KUCH ANDAZA HZ MASUD(RA) KI HADITH SE LAGA SAKTE HAIN KI NABI KAREEM SALLALLAHO ALAYHI WASALLAM KI NAMAZ-E-ZUHAR KA ANDAZA YE HOTA THA KI GARMIYON ME INSAAN KA SAAYA 3 KADAMO SE LEKAR 5 KADAMO TAK KE DARMIYAAN HOTA THA AUR JAADE KE MAUSAM ME 5 KADAM SE 7 KADAM KE DARMIYAN HOTA THA"(ABU DAWOOD)


2-ASR KI NAMAZ KA WAQT:


HZ BIN AMR(RA) SE MARWI HAI KI NABI(SAW) NE FARMAYA:" NAMAZ-E-ZUHAR KA WAQT SURAJ KE DHALNE SE SHURU HOTA HAI AUR NAMAZ-E-ASR KA WAQT SHURU HONE TAK RAHTA HAI AUR ASR KA WAQT TAB SHURU HOTA HAI JAB ADMI KA ASLI SAAYA USKE KAD KE BARABAR HO JAAYE AUR ASR KA AKHIRI WAQT SURAJ KI ZARD HONE TAK RAHTA HAI"( MUSLIM)



4-MAGHRIB KI NAMAZ KA WAQT:


HZ SALMA BIN AQWA SE MARWI HAI KI AAP (SAW) MAGHRIB KI NAMAZ US WAQT PADHTE THEY JAB SURAJ DOOB JAATA THA (BUKHARI ,AHMAD)

HZ BIN AMR(RA) SE MARWI HAI KI AAPNE (SAW) NE FARMAYA:" MAGHRIB KA WAQT SHAFAQ(SURKHI) KA FAILAAV KHATM HONE TAK HAI" (MUSLIM)


SHAFAQ WAH SURKHI HAI JO SURAJ KE DOOBNE KE BAAD SE ISHA TAK YA USKE KAREEB TAK AASMAAN PAR RAHTI HAI(AL-KAMUSUL-MUHEET)



5-ISHA KI NAMAZ KA WAQT:


"HZ ABU MUSA ASHARI(RA) SE MARWI LAMBI HADITH ME HAI KI PAHLE DIN AAPNE (SAW) ISHA KI NAMAZ US WAQT PADHAI JAB SHAFAQ GHAYAB HO GAYI" (MUSLIM)

ISHA KI NAMAZ KA WAQT AADHI RAAT TAK HAI JAISA KI HZ BIN AMR (RA) SE MARWI HAI KI AAP NE FARMAYA:" ISHA KI NAMAZ KA WAQT AADHI RAAT TAK HAI"(MUSLIM)



6- FAZR KI NAMAZ KA WAQT:


HZ ABU MUSA ASHARI(RA) SE MARWI HAI KI AAP FAZR KI NAMAZ SUBAH SAADIK HOTE HI SHURU FARMA DETE YAHAN TAK KI ANDHERE KI WAJAH SE SAHABAH(RA) EK DUSRE KO PAHCHAAN NAHI SAKTE THEY (MUSLIM)

SUBAH SAADIQ KI PEHCHAAN YE HAI KI ROSHNI AASMAAN KE KINARON TAK FAIL JAATI HAI, ISSE THODI DER PAHLE KAAZIB HOTI HAI JISKI PAHCHAN YE HAI KI ROSHNI BHEDIYE KI DUM KI TARAH UNCHI CHALI JAATI HAI (YAANI KHAMBA KI TARAH BILKUL SEEDHI AASMAAN ME UPER CHADHTI HUI MAALUM PADHTI HAI)(HAAKIM)

HZ MUSA MASUD ANSARI (RA) SE MARWI HAI KI AAP NE NAMAZ E FAZR EK BAAR ANDHERE ME PADHI AUR PHIR DUSRI BAAR KHOOB ROSHAN KARKE PADHI, PHIR WAFAAT TAK AAP KI NAMAZ E FAZR ANDHERE ME HI PADHI, AAPNE KABHI DOBARA ROSHAN KARKE NAHI PADHI (ABU DAWOOD)

HZ BIN AMR (RA) SE MARWI HAI KI AAP NE FARMAYA:" NAMAZ E FAZR KA WAQT SURAJ NIKALNE TAK RAHTA HAI"




SALFIYYA ISLAMIC RESEARCH CENTRE 581/150 FAITHFUL GANJ KANPUR U.P MO.9389962309